२०८१ चैत्र ३०, शनिबार २०:१३
वीरगँज । वीरगँजमा हनुमान जयन्तीको शोभायात्राको क्रममा दुई समुदायबीच झडप भएको छ ।
शनिबार हिन्दु समुदायका व्यक्तिहरुले मनाउने हनुमान जयन्ती मनाउने क्रममा निकालिएको शोभायात्राको क्रममा दुई समुदायबीच झडप भएको हो ।
शोभायात्रा याली इदगाह चौक छप्पैया पुग्नेबित्तिकै झडपमा परिणत भएको हो । झडपका कारण छपकैया चौक तनावग्रस्त बनेको छ ।
स्थानीय प्रत्यक्षदर्शीका अनुसार हनुमान जयन्तीको ¥याली छप्पैया चोकस्थित इदगाह नजिक पुगेपछि दुई पक्षबीच विवाद सुरु भएको थियो, जसले अन्ततः झडपको रूप लिएको हो । झडपको क्रममा केही पसलमा तोडफोड एवं आगजनी समेत भएको छ । सो क्रममा पार्किङ्ग गरि राखिएको केही मोटरसाइकलमा समेत आगजनी भएको छ।
झडप नियन्त्रणमा लिन प्रहरीले केही राउन्ड अश्रुग्यास प्रहार समेत गरेको छ् ।
यद्यपि, झडपको कारण र क्षतिको विवरण लगायत घटनाबारे थप जानकारी आउन बाँकी रहेको छ । हाल छप्पैया चोकमा सुरक्षाकर्मीको उपस्थिति बाक्लो बनाइएको छ र स्थिति सामान्य बनाउने प्रयास जारी रहेको बताइएको छ ।
तपाईको प्रतिक्रिया !
