२०८१ चैत्र २२, शुक्रबार १०:४५
एजेन्सी । बलिउडका दिग्गज अभिनेता मनोज कुमारको शुक्रबार बिहान निधन भएको छ । भारतीय सञ्चारमाध्यमका अनुसार उनले ८७ वर्षको उमेरमा मुम्बईको कोकिलाबेन अस्पतालमा अन्तिम सास फेरेका हुन् ।
उनी हिन्दी फिल्म उद्योगमा देशभक्तिपूर्ण फिल्मका लागि परिचित छन् । उनका अविस्मरणीय फिल्महरूमा क्रान्ति, उपकार, शहीद, पूर्व और पश्चिम, रोटी कपडा और मकान हुन् ।
उनको वास्तविक नाम भने हरिकृष्ण गोस्वामी हो । उनको जन्म १९३७ मा एबटाबादमा भएको थियो, जुन अहिले पाकिस्तानमा पर्छ । मनोज कुमारले धेरै देशभक्तिपूर्ण फिल्म गरे र ती यति हिट भए कि उनको नाम ’भारत कुमार’ रह्यो । यसैबीच उनको निधनमा भारतीय प्रधानमन्त्री नरेन्द्र मोदीले शोक व्यक्त गरेका छन् ।
तपाईको प्रतिक्रिया !
