सौर्य खबर

२०८१ जेष्ठ ४, शुक्रबार ००:४३

काठमाडौँ । बालमन्दिर जग्गा प्रकरणमा हतारहतार पक्राउ पुर्जी जारी गराएको अनुसन्धानकर्ता निकाय एक सातादेखि चुपचाप बसेको छ । नेपाल प्रहरीको केन्द्रीय अनुसन्धान ब्यूरो (सीआईबी)ले वैशाख २७ गते बालमन्दिरको जग्गा दुरुपयोगमा संलग्न भएकाहरूलाई पक्राउ गर्ने भन्दै २० जनाविरुद्ध जिल्ला अदालतबाट पक्राउ पुर्जी लिएको थियो ।सीआईबीले माथिको दबाबका कारण तत्कालीन समयमा बालमन्दिरको जग्गा भाडामा लिएका व्यक्तिहरूविरुद्ध पक्राउ पुर्जी जारी गरेको थियो । खासगरी यो प्रकरणमा गृहमन्त्री रवि लामिछानेले चासो दिएर पक्राउका लागि सीआईबीमा दबाब दिएका थिए । गृह मन्त्रालयबाट हरेक पटक फलोअप मागेपछि प्रहरीले जिल्ला अदालतमा पक्राउ पुर्जीका लागि अनुमति माग गर्दै जिल्ला सरकारी वकिलको कार्यालय मार्फत निवेदन दिएको थियो । अनुसन्धानका लागि पक्राउ गर्नुपर्ने तर्क आएपछि अदालतले उनीहरूको नाममा पक्राउ पुर्जी पनि जारी गरेको थियो ।