२०८१ बैशाख ९, आईतवार १६:०४
काठमाडौं । चालु आर्थिक वर्षको चैत मसान्तसम्ममा बैंक तथा वित्तीय संस्थाहरुसँग ११ खर्ब बढी लगानी योग्य पुँजी (तरलता) ‘होल्ड’ भएको देखिन्छ । २०८० चैत ३० गतेसम्म कूल ६१ खर्ब ८७ अर्ब ६४ करोड रुपैयाँ निक्षेप सङ्कलन गरेका बैङ्कहरूले यस अवधिमा यता ५० खर्ब ८४ अर्ब ९३ करोड रुपैयाँ कर्जा लगानी गरेका छन् । निक्षेप र कर्जा लगानीको अन्तर ११ खर्ब २ अर्ब ७१ करोड रुपैयाँ रहेको छ । तथापि, अनिवार्य तरलता अनुपात बैंक तथा वित्त कम्पनीहरूले उठाएको निक्षेपको १२ प्रतिशतसम्म रकम विभिन्न सुरक्षण तथा फन्डहरूमा राख्नुपर्ने केन्द्रीय बैंकको नीति अनुरूप चैत मसान्तसम्म बैंक तथा वित्त कम्पनीहरूले १२ खर्ब ७० अर्ब १४ करोड रुपैयाँ विभिन्न सुरक्षण लगानीमा हालेका छन् । यसो गर्दा पनि हाल बैंक तथा वित्त कम्पनीहरूसँग ६ खर्ब रुपैयाँभन्दा माथि तत्काल लगानी गर्न सकिने तरलता कायम रहेको वित्तीय रिपोर्टले देखाउँछ ।
तपाईको प्रतिक्रिया !
