२०७८ मंसिर २९, बुधबार १९:३७

काठमाडौं । साफ १९ वर्ष मुनिको महिला फुटबल च्याम्पियनसिपको दोस्रो खेलमा नेपालले श्रीलङ्कालाई फराकिलो गोल अन्तरले पराजित गरेको छ ।बङ्गलादेशको ढाकामा आज भएको खेलमा नेपालले श्रीलङ्कालाई ६–० गोलको फराकिलो अन्तरले हराएको हो ।

ढाकास्थित शहिद सिपाही मुस्तोफा कमल स्टेडियममा नेपाललाई जित दिलाउन रश्मी कुमारी घिसिङले दुई गोल गर्नुभयो ।यस्तै सबिता राना मगर, मेनुका कुमारी आले मगर, सलोनी राना मगर र रजनी थोकरले एक एक गोल गर्नुभयो ।जितसँगै जारी च्याम्पियनसिपमा नेपालले पहिलो जित हात पारेको छ ।नेपाल २ खेलमा ४ अङ्क जोडेर तालिकाको दोस्रो स्थानमा रहेको छ ।पहिलो खेलमा नेपालले बङ्गलादेशसँग गोलरहित बराबरी खेलेको थियो।च्याम्पियनसिपको तेस्रो खेलमा नेपालले भुटानविरुद्ध डिसेम्बर १७ र अन्तिम खेल भारतविरुद्ध डिसेम्बर १९ मा खेल्नेछ।