२०८२ श्रावण २१, बुधबार १८:२६
काठमाडौँ ।
जनमत पार्टीका अध्यक्ष सीके राउतले निर्वाचन आयोगले साना दलहरूको अभिलेख अपडेट नगरेको गुनासो गर्दै पक्षपातपूर्ण व्यवहार गरेको र त्यसको एकीकृत प्रतिवाद गर्नुपर्ने बताएका छन् ।
निर्वाचन आयोगले प्रस्ताव गरेको राजनीतिक दलसम्बन्धी स्वमूल्यांकन कार्यविधिबारे छलफल गर्न माओवादी केन्द्रको आह्वानमा सिंहदरबारमा बसेको ९ दलको बैठकमा यसविरुद्ध सबै दल एकजुट हुनुपर्नेमा समेत जोड दिए ।
‘निर्वाचन आयोगले साना दलहरूको अभिलेख अपडेट नगरेर साना पार्टीलाई हटाउने रणनीतिमा लागेको लागेको छ,’ राउतले भने, ‘आयोगको पक्षपाती व्यवहारविरुद्ध एकीकृत प्रतिवाद आवश्यक रहेको छ ।’
निर्वाचन आयोगले साउन २२ गतेसम्म सुझाव दिन आह्वान गर्दै पठाएको ‘राजनीतिक दल स्वमूल्यांकन कार्यविधि, २०८२’ का विषयमा गम्भीर आपत्ति जनाउँदै कांग्रेस–एमालेबाहेकका दलको बैठक माओवादी केन्द्रको संसदीय दलमा बसेको हो ।
तपाईको प्रतिक्रिया !
