सौर्य खबर

२०८२ श्रावण २१, बुधबार ०९:३९

मुम्बई, २१ साउन । यतिबेला फिल्म स्टारका रुपमा चर्चामा रहेका आमिर खान चाँडै बान्द्रास्थित आफ्नो हालको घर छोडेर पाली हिलको विलानोमोना बिल्डिङमा बस्न लागेका छन् ।

उनको यस नयाँ भवनको ४ वटा अपार्टमेन्ट लिजमा लिएका छन्, जसको भाडा २४ लाख ५० हजार रहेको छ। आमिर खानको मुम्बईको बान्द्राको पोश क्षेत्रमा रहेको भार्गो हाउजिङ सोसाइटीमा १२ वटा फ्ल्याट छन्, यद्यपि यो सोसाइटी छिट्टै पुनः विकसित हुन लागेको छ । यही कारण उनी पालीहिलस्थित विल्नोमोना भवनमा सर्दैछन् ।

जेपकी डटकमबाट प्राप्त सम्पत्ति दर्ता कागजातहरूको आधारमा इन्डियन एक्सप्रेस रिपोर्टमा भनिएको छ कि आमिर खानले यी अपार्टमेन्टहरू ५–६ वर्षको लागि लीजमा लिएका छन्। अभिनेताले मे २०२५ देखि मे २०३० सम्म ४५ महिनाका लागि सम्झौतामा हस्ताक्षर गरेका छन् ।

यसका लागि उनले १ करोड ४६ लाख रुपैयाँ धरौटी र ४ लाख रुपैयाँ स्ट्याम्प शुल्क बुझाएका छन् । कागजात अनुसार यी अपार्टमेन्टको भाडा प्रत्येक वर्ष ५ प्रतिशतले बढाइने छ ।

हाल शाहरुख खानको बंगला मन्नत पनि पु्नर्निमार्णको काम चलिरहेको छ । यही कारण उनी अप्रिलमा परिवारसहित पालीहिलस्थित पूजा कासा भवनमा सरेका थिए ।

पाली हिलको नर्गिस दत्त रोडमा रहेको विलानोमोना भवन, जसमा आमिर खानले अपार्टमेन्ट लिएका छन्, शाहरुख खानको पूजा कासा भवनबाट मात्र ७५० मिटर टाढा छ।

हिन्दुस्तान टाइम्सको रिपोर्ट अनुसार आमिरको वर्गो सोसाइटीमा अल्ट्रा लक्जरी प्रोजेक्ट सुरु हुँदैछ। त्यसपछि यस ठाउँको मूल्य प्रति वर्गफुट १ लाख रुपैयाँ हुनेछ । भवनको सम्पूर्ण संरचना परिवर्तन गरिनेछ।

वर्कफ्रन्टको कुरा गर्ने हो भने आमिर खान चाँडै रजनीकान्त स्टारर फिल्म ‘कुली’मा केमियो गर्दै देखिनेछन्। यो फिल्म अगस्ट १५ मा रिलिज हुँदैछ । यसका साथै, आमिर खानले फिल्म ‘लाहोर १९४७’ निर्माण गर्दैछन्, जसमा सनी देओल र प्रीति जिन्टा मुख्य भूमिकामा छन् । फिल्मलाई राजकुमार सन्तोषीले निर्देशन गर्नेछन् ।

हालै आमिर खानले युट्युबमा फिल्म ‘सितारे जमीं पर’ रिलिज गरेका छन् । यसका लागि उनले ओटीटी प्लेटफर्मबाट १०० करोड रुपैयाँको प्रस्ताव अस्वीकार गरेका थिए ।