सौर्य खबर

२०८२ श्रावण ५, सोमबार १६:१२

जनकपुरधाममा एक युवतीले एक पुरुषको धारिलो हतियार प्रहार गरी हत्या गरेकी छन् ।

ती युवतीले पुरुषलाई होटल एसपी एन्ड गेस्ट हाउसमा शनिबार राति एक तला माथिबाट खसालेर हत्या गरेको खुलेको छ । हत्या हुनेमा महोत्तरी गाउँपालिका–१ स्थित पर्साका २८ वर्षीय शनि भन्ने विमलेश यादव रहेको धनुषा प्रहरीले जनाएको छ ।

धनुषाका प्रहरी प्रवक्ता तथा डीएसपी बरुणबहादुर सिंहले जनाए अनुसार शनिबार राति करिब ३ बजे युवकलाई धारिलो हतियार प्रहार गरी खसालेको अवस्थामा फेला पारिएको थियो । उनलाई तत्काल प्रादेशिक अस्पताल जनकपुर पु¥याइए पनि उपचारकै क्रममा बिहान पौने ८ बजे मृत्यु भएको थियो । मृतक यादव एक युवतीसँगै होटलमा बस्न आएका थिए ।

प्रहरीको प्रारम्भिक अनुसन्धानको आधार ती युवतीले नै हत्या गराएको हुन सक्ने आशंका गरेको छ । सो घटनामा प्रहरीले चारजनालाई समातेका छन् । हाल मृतकको शव पोस्टमार्टमका लागि प्रादेशिक अस्पताल जनकपुरमा राखिएको छ । घटनाको थप अनुसन्धान जिल्ला प्रहरी कार्यालय धनुषाले गरिरहेको छ ।