सौर्य खबर

२०८२ असार २३, सोमबार ११:२२

मधेश प्रदेश सरकारको अगाडि शहीद परिवारका सदस्यहरुले धर्ना दिएका छन् ।

आइतबार मधेश भवनको दुई नम्बर गेटमा उनीहरुले धर्ना दिएका छन् । धर्नामा बसेका ६ जनालाई धनुषा प्रहरीले पक्राउ गरेको छ । धनुषा प्रहरीका प्रहरी नायब उपरीक्षक वरुणबहादुर सिंहले बाटो अवरुद्ध गरेको कारण ६ जनालाई पक्राउ गरेको जानकारी दिए । शहीद परिवारहरुले सरकारले आगामी आर्थिक वर्षको बजेटमा शहीद परिवारका लागि राख्ने कार्यक्रम र बजेट कटौती गरेको भन्दै प्रदर्शन गरेका छन् ।

शहीद प्रतिष्ठानमा रित्त पदमा सदस्य नियुक्त गर्नु पर्ने, हरेक सहिद परिवारलाई रोजगारी दिनुपर्ने र सबैको स्वास्थ्य बिमा हुनुपर्ने माग राखेर सहिद परिवार पटकपटक धर्ना दिँदै आएका छन् । विगतको सरकारले एक शहीद परिवार एक रोजगार कार्यक्रममार्फत रोजगारी दिए पनि वर्तमान सरकारले हटाउने प्रक्रिया अगाडि बढाइरहेको सहिद परिवारको गुनासो छ । अधिकांश सदस्यलाई मासिक तलबीबाट हटाएर दैनिक ज्यालादारीमा राखेको उनीहरुको भनाइ छ ।