सौर्य खबर

२०८२ भाद्र १७, मंगलवार १३:२३

जनता समाजवादी पार्टी (जसपा) नेपालले भूमि विधेयकविरुद्ध शुरु गरेको पहिलो चरणको आन्दोलन स्थगित गरेको जनाएको छ ।

जसपा नेपाल धनुषाका उपसचिव विकास यादवले आन्दोलनको पहिलो चरणको आन्दोलन समापन भएको जानकारी दिए । उनले अब दोश्रो चरणको आन्दोलन हुने बताए । भूमि विधेयक शुरुदेखि नै जसपा नेपालले आपत्ति जनाउँदै आएको छ । यसलाई किसान र भूमिहीनहरूको हितविपरीत भन्दै सडक आन्दोलनमार्फत विरोध गर्दै आन्दोलनलाई निरन्तरता दिएको उनले बताए ।

दोस्रो चरणको आन्दोलनलाई सशक्त बनाउनका लागि आन्तरिक तयारी थालिएको उनको भनाइ छ । आगामी दिनमा आन्दोलनको दोस्रो चरणबारे विस्तृत कार्यक्रम सार्वजनिक गर्ने तयारी गरिरहेको जसपा नेपालले जनाएको छ ।