सौर्य खबर

२०८२ भाद्र १२, बिहीबार १०:४५

नेपाल आयल निगमको महेन्द्रनगर डिपो कार्यालय धनुषामा विगत एक वर्षमा तीनजना कार्यालय प्रमुखको सरुवा भएको छ । एक वर्षको अवधिमा यस कार्यालयबाट मनोजकुमार साह, मनिष न्यौपाने र रजीत कापडीको सरुवा भएको छ ।

कापडी अहिले विगत दुई महिनादेखि कार्यालयमा कार्यरत छन् । सरकारको स्वामित्वमा सञ्चालित सो आयल निगमको ऐन एवं विनियमावलीमा प्रत्येक दुईवर्षमा कार्यालय प्रमुख तथा अधिकृतस्तरका कर्मचारीको सरुवा हुने प्रावधान रहेको छ ।

सरुवाले कार्यालयको काममा प्रभावकारी रुपमा व्यस्थापन तथा सञ्चालनमा समस्या पर्ने गरेको कर्मचारीहरुले गुनासो गर्दै आएका छन् । वर्तमान कार्यालय प्रमुख कापडीले हाम्रो निगममा प्रत्येक दुई वर्षमा सरुवाको प्रावधान रहे पनि आवश्यक परेको खण्डमा कुनै बेला सरुवा हुन्छ भने तोकिएको स्थानमा गएर काम गर्नुपर्ने बताए । उनले भने, “आफू पदबहाली भएर आएदेखि नै कार्यालयको कामलाई प्रभावकारी तथा व्यवस्थित बनाउनेतर्फ जोड दिएको छु ।” उक्त कार्यालयमा पेट्रोलियम ढुवानीकर्ता, पेट्रोलिय व्यवसायी तथा कर्मचारीबीचको विवादले कार्यालय प्रमुखको सरुवा हुने गरेको बताइको छ ।

उक्त कार्यालयले निगमको अमलेखगञ्ज डिपोबाट पेट्रोलियम पदार्थ ढुवानी गरेर धनुषा तथा महोत्तरी जिल्लामा रहेका पम्पहरुमा पेट्रोलिय पदार्थ बिक्री वितरण गर्ने गरेको छ । उक्त कार्यालयले करिब ८० ट् यांकरमार्फत पेट्रोलियम पदार्थ ढुवानी गर्दैआएको प्रमुख कापडीले बताए ।