सौर्य खबर

२०८२ श्रावण २१, बुधबार १२:२०

एजेन्सी ।
अमेरिकी राष्ट्रपति डोनाल्ड ट्रम्पले इजरायली प्रधानमन्त्री बेन्जामिन नेतान्याहुको गाजा कब्जा गर्ने योजनामा अवरोध नगर्ने बताएका छन् ।
सन् २०२३ मा अक्टोबरमा इजरायलले गाजामा सैन्य आक्रमण सुरु गरेपछि अमेरिकाले लगातार सैन्य सहयोग गरिरहेको छ । अहिले गाजाको ८६ प्रतिशत जमिन आफ्नो कब्जामा लिइसकेको जनाइएको छ ।
अहिले नै समस्यामा रहेको गाजाबासीहरु लगातारको बमबारीका कारण समस्यामा छन् । इजरायली आक्रमण र भोकमरीका कारण प्रत्येक दिन दर्जनौँको ज्यान गइरहेको छ ।
यता, नेतान्याहुको गाज नियन्त्रण प्रस्तावको कारण हमासले बन्दी बनाएका इजरायलीहरूको परिवारमा चिन्ता छाएको छ ।
संयुक्त राष्ट्र सङ्घका अधिकारी मिरोस्लाभ जेन्साले पनि पूर्ण गाजा कब्जाको प्रस्ताव जोखिमपूर्ण हुन सक्ने बताएका छन् ।
सन् २००५ मा इजरायलले गाजा छाड्ने निर्णय भएको थियो । यस पछि पनि एयर स्पेस, पानीको मुहान र बन्दरगाहमा इजरायलले नियन्त्रण राखिरहेको थियो ।
सन् २०२३ मा युद्ध सुरु भए यता इजरायलले यसअघि पनि गाजा कब्जाको नीति लिएका थिए । फेब्रुअरी महिनामा अमेरिकी राष्ट्रपति ट्रम्पले पनि गाजाबासीलाई अन्यत्र सार्ने प्रस्ताव राखेका थिए ।