सौर्य खबर

२०८२ असार ३२, बुधबार १४:२९

जनकपुरधाम ।
पेस्तोल देखाएर लुटपाट गरेको आरोपमा धनुषा प्रहरीले एक भारतीय नागरिकलाई पक्राउ गरेको छ । पक्राउ पर्नेमा भारतको मधुबनी जिल्ला देवधा–८का २३ वर्षीय विजय मुखिया रहेका छन् ।
उनीमाथि यही असार २० गते जनकनन्दनी गाउँपालिका–१ का अजय कुमार गोइतलाई पेस्तोल देखाएर उनको साथमा रहेको रकम लुटपाट गरेको आरोप छ । गोइत बैंकमा पैसा जम्मा गर्न जाँदै गर्दा मुखियाले बाटो छेकेर पेस्तोल देखाई नगद २ लाख १६ हजार, १२ लाख १० हजारको चेक र आइफोन १६ लुटेको अनुसन्धानमा खुलेको छ ।
धनुषाका प्रहरी उपरीक्षक नरहरि रेग्मीका अनुसार मुखिया पेशेवर लुटेरा हुन् । भारतमा पनि उनीमाथि ९–१० वटा मुद्दा दर्ता रहेको जनाइएको छ । ‘भारतमा लुटपाट गरेर नेपाल लुक्छन्, नेपालमा गरेर भारत,’ प्रहरी उपरीक्षक रेग्मीले भने ।