सौर्य खबर

२०८२ असार २९, आईतवार १६:४१

जनकपुरधाम ।
जनमत पार्टीका निलम्बित उपाध्यक्ष दीपक साहमाथि केही व्यक्तिले बारामा मोसो फालेर दुव्र्यवहार गरेका छन् ।
पार्टीबाट कारबाहीमा परेका साह र अन्य नेताहरूले अन्तरसंघर्षको रूपमा ‘जनसंवाद यात्रा’ सुरु गरेका हुन् । सो क्रममा बारा पुगेका साहमाथि जनमत पार्टीकै कार्यकर्ताहरूले मोसो फालेका छन् ।
साह गाडीमै रहेका बेला केही युवा बोतलबाट कालो मसी फालेको र ‘मुर्दावाद मुर्दावाद…’ नारा लगाएको भिडिओ सामाजिक सञ्जालमा सार्वजनिक भएको छ ।
पार्टी अध्यक्ष सीके राउतले आफ्नो विरोधमा गतिविधि गरिरहेको भन्दै साहसहित कारबाहीमा परेकाको भेलामा सहभागी नहुन कार्यकर्तालाई निर्देशन दिएका थिए । स्रोतका अनुसार राउतकै निर्देशनमा उनका कार्यकर्ताले साहमाथि मसी फालेर दुव्र्यवहार गरेका छन् ।
‘जनसंवाद यात्रा’को क्रममा बारामा आफूमाथि जनमत पार्टीकै कार्यकर्ताहरूले मसी फालेको साहले बताए । घटनाबारे केहिबेरमा प्रेस विज्ञप्ति जारी गर्ने उनको भनाई छ ।