२०८२ असार २८, शनिबार १२:३६
आज बारा, पर्सा, रौतहट, काठमाण्डौ, ललितपर, भक्तपुर, दोलखा, सिन्धुपाञ्चोक, मकवानपुर, काभ्रे, नवलपरासी पूर्व, नवलपरासी पश्चिममा बाढीको मध्यम जोखिम रहेको बाढी पूर्वानुमान महाशाखाले जनाएको छ ।
यस्तै सङ्खुवासभा, सोलुखुम्बु, ओखलढुङ्गा, रामेछाप, सिन्धुली, गोरखा, धादिङ, नवाकोट, सल्यान, रुकुम पूर्व, रुकुम पश्चिम, कास्की, स्याङ्जा, बाग्लुङ, म्याग्दी, पर्वत, गुल्मी, प्युठान, बैतडी, डोटी, बझाङ जिल्लामा बाढीको मध्यम जोखिम रहेको महाशाखाले जनाएको छ ।
आज दिउँसो बागमती, गण्डकी, लुम्बिनी, कर्णाली र सुदूरपश्चिम प्रदेशका एक/दुईठाउँमा ठूलो वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
यस्तै राति कोशी, मधेश र बागमती प्रदेशका एक/दुई ठाउँमा ठूलो पानी पर्ने महाशाखाको अनुमान छ ।
मुख्यगरी बागमती, गण्डकी र सुदूरपश्चिम प्रदेशलगायत देशका पहाडी भू–भागका केही ठाउँमा तथा बाँकी भू–भागका थोरै ठाउँहरूमा मेघगर्जन/चट्याङसहित हल्कादेखि मध्यम वर्षाको सम्भावना छ ।
तपाईको प्रतिक्रिया !
