२०८२ असार २७, शुक्रबार १५:५४
सत्ताधारी अशोक राई नेतृत्वको जनता समाजवादी पार्टीले आफना मधेश प्रदेश अध्यक्ष अशोक यादवलाई दुर्व्यवहार गर्ने सर्लाहीका एसपीलाई कारवाही नभए आन्दोलन थाल्ने चेतावनी दिएको छ ।
जनकपुरधाम स्थित पार्टीको मधेश प्रदेश कार्यालयमा पत्रकार सम्मेलनको आयोजना गरि पार्टीका केन्द्रिय तथा मधेशका पदाधिकारीहरुले जनताको जनगुनासो अनुसार मधेश अध्यक्ष यादवले जिल्लाका एसपीलाई कुरा राख्दा मधेशी भनेर हेपेको र पहिलो गाली शब्द प्रयोग गरेपछि स्थिती विग्रिएका पुर्व जनप्रतिनिधि र सत्ताधारी पार्टीको मधेश अध्यक्षलाई मर्यादा नगर्ने प्रहरी प्रमुखलाई कारवाहीको माग गरेका छन् ।
गत असार १९ गते पुर्वाधार विकास कार्यालयमा राती प्रहरीको घेरा भित्र कार्यालय प्रमुखले गेटमा ताल्चा लगाएर कार्यालय सञ्चालन गरिरहेको र सर्वसाधारण भन्दा कमिसनको काम मात्र गरिरहेको विषयमा जानकारी लिन सर्लाहीका एसपी योगेन्द्र कुमार खडका फोनमा बुझन खोज्दा जसपा अध्यक्ष यादव र एसपी बिच गालीगलौज को स्थिति उत्पन्न भएको थियो । जसपाले पहिला एसपीले मधेशी भन्दै गाली गरेको आरोप लगाएको छ ।
मधेशमा असार मसान्तमा कमिशन दिनेको मात्र काम हुने र त्यसको संरक्षक पुलिस प्रशासननै बन्न थालेको आरोप लगाउँदै त्यस विरुद्व बोल्नु जनताको सेवा रहेको उनीहरुको तर्क छ । मुद्दा खारेजी र एसपीलाई कारवाही हुनुपर्ने जसपा मधेशको माग छ ।
तपाईको प्रतिक्रिया !
