सौर्य खबर

२०८२ असार १९, बिहीबार २०:५६

जनकपुरधाम ।
कलकतिया बाली हास्य व्यङ्गय सिरियलको मुख्य पात्रमध्ये एक अंशा सदाको मृत्यु प्रकरणमा केही पनि शंकास्पद केही नदेखिएको प्रहरीले निश्कर्ष निकालेको छ ।
गत असार ८ गते राति जनकपुरधाम उपमहानगरपालिका–१५ स्थित घरमा अंशा सलको पासो लगाएको अवस्थामा मृत भेटिएकी थिइन् । भित्रबाट ढोका बन्द रहेको अवस्थामा शव फेला परेको थियो ।
घटनापछि शवलाई पोस्टमार्टमका लागि पठाइएको थियो भने अनुसन्धानका क्रममा डिभाइसहरू समेत नियन्त्रणमा लिइएको थियो । पोष्टमार्टम रिपोर्ट र प्रारम्भिक अनुसन्धानका आधारमा अंशाले आत्महत्या गरेको प्रहरीको भनाइ छ । तर आत्महत्याको कारण भने खुल्न बाँकी रहेको र त्यसबारे अनुसन्धान जारी रहेको जिल्ला प्रहरी कार्यालय धनुषाको प्रहरी नायब उपरीक्षक बरुणबहादुर सिंहले जानकारी दिए ।
प्रहरीले घटनासँग सम्बन्धित करिब १० जनासँग सोधपुछ गरिसकेको छ । डिभाइसहरूबाट पनि शंकास्पद केही नपाइएको प्रहरीले जनाएको छ । २१ वर्षीया अंशा ‘कलकतिया बाली’ सिरियलमा अभिनयमार्फत तराई क्षेत्रमा निकै लोकप्रिय बनेकी थिइन् । उनले सिरियलमै सहकर्मी कलाकार अविनाश झासँग ६ महिनाअघि विवाह गरेकी थिइन् ।