२०८२ असार १८, बुधबार ११:३७
जनकपुरधाम ।
जनकपुरधाम उपमहानगरपालिकाका नगरप्रमुख मनोजकुमार साहको काकालाई उनकै ज्वाइँले हत्या गरेका छन् ।
नगरप्रमुख साहका काका जनकपुरधाम उपमहानगरपालिका वडा नम्बर १५ रामपुर निवासी ७५ वर्षिय बासुदेव प्रसाद विमललाई उनकै ज्वाइँले हत्या गरेका हुन् । जनकपुरधाम २१ कुर्थाका बेचन महासेठले चक्कु प्रहार गरी हत्या गरेको बताइएको छ ।
बेचनले घरायसी विवादका कारण बासुदेवलाई घरमै चक्कु प्रहार गरेका थिए । चक्कु प्रहारबाट घाइते बासुदेवको अस्पताल ल्याउंदै गर्दा बाटोमै मृत्यु भएको थियो । घटना पश्चात आरोपित बेचन फरार छन ।
यता जिल्ला प्रहरी कार्यालय धनुषाका प्रहरी नायव उपरिक्षक बरुणबहादुर सिंहले घटनाको विषयमा आज बिहान ९ बजे जानकारी प्राप्त भएको बताए । घटनामा मृतकको ज्वाइँको संलग्नता रहेको कुरा आईरहेको छ यद्यपि घटनामा कसको संलग्नता हो भन्ने विषयमा अहिले भन्न नसकिने तथा घटनाको विषयमा अनुसन्धान भईरहेको प्रहरी नायब उपरीक्षक सिंहले मोडेलखबरसंग कुरा गर्दै बताए ।
तपाईको प्रतिक्रिया !
