२०८२ बैशाख २२, सोमबार १२:०१
एजेन्सी । पहलगाम आक्रमणपछि भारत र पाकिस्तानबीच बढिरहेको विवादबारे छलफल गर्न संयुक्त राष्ट्र सुरक्षा परिषद्ले बैठक राख्दै छ ।
समाचार एजेन्सी पीटीआईको रिपोर्टअनुसार सुरक्षा परिषद्ले पाकिस्तान र भारतबीचको वर्तमान अवस्थाबारे ’बन्द कोठा’मा छलफल गर्नेछ । संयुक्त राष्ट्र सुरक्षा परिषद्मा हुने बन्द ढोकाको छलफल सार्वजनिक गरिँदैन ।
आइतबार पाकिस्तानको विदेश मन्त्रालयले पहलगाम आक्रमणपछि यस क्षेत्रमा भएका पछिल्ला घटनाक्रमबारे संयुक्त राष्ट्र सुरक्षा परिषद्लाई जानकारी गराउने निर्णय गरेको बताएको छ । विज्ञप्तिमा भनिएको छ– पाकिस्तानका विदेशमन्त्री इशाक दारले संयुक्त राष्ट्र संघका लागि पाकिस्तानका स्थायी प्रतिनिधि राजदूत असिम इफ्तिखारलाई सुरक्षा परिषद्को बैठक बोलाउन निर्देशन दिएका छन् ।
अप्रिल २२ मा जम्मु–कश्मीरको पहलगाममा आतंककारीहरूले २६ जनाको हत्या गरे, जुन २०१९ मा पुलवामा भएको आक्रमणपछि सबैभन्दा घातक हमला हो ।
तपाईको प्रतिक्रिया !
