सौर्य खबर

२०८१ चैत्र ८, शुक्रबार १२:५१

काठमाडौं, चैत्र ०८ । युसिएमएस भैरहवाले विश्व मुख स्वास्थ्य दिवसको अवसरमा निःशुल्क दन्त परीक्षण गरेको छ ।
युनिभर्सल कलेज अफ मेडिकल साइन्सेस शिक्षण अस्पताल युसिएमएस भैरहवाले आज श्री सत्य साई वृद्धाश्रम र श्री सम्तेश्वर विद्यालय, मायादेवी–२ मा निशुल्क दन्त परिक्षण गरेको हो । असपतालले शिविरमा सहभागीहरुको दाँतमा जटिल समस्या देखिएको बिरामीहरुलाई उपचार सेवामा २५% छुटको व्यवस्था समेत गरेको छ ।
सत्य साई वृद्धाश्रममा २५ जना आमाबुवाको उपचार गरिएको अस्पतालका इन्टर्न डा. बिन्नी श्रिवास्तवले बताउनु भयो । जाँच गर्ने क्रममा दाँत खिइएको, गिजाको समस्या र कसैको दाँत नभएको समस्याहरु देखापरेको उहाँले बताउनु भयो ।
यसैगरी आश्रमका आमाहरुले यसरी दाँतको परिक्षण गराउन पाउदा धेरै खुसि भएको बताउनु भयो ।
साथै आश्रमको अध्यक्ष माया खरेलले अस्पतालाई धन्यवाद दिँदै धेरै राम्रो कार्य गरेको बताउनु भएको छ ।
उता श्री सम्तेश्वर विद्यालय, मायादेवी–२ मा ३५० जना विद्यार्थी र ५० जना विद्यालयका कर्मचारीहरुको नि–शुल्क दन्त परिक्षण गरिएको अस्पतालका इन्टर्न डा. कोपिल शिरिश मगरले जानकारी दिनु भयो । उनले उक्त विद्यार्थीहरुको दाँत किराले खाएको,  दाँत दुखेको र ब्रस गर्दा गिजाँबाट रगत आउने समस्या रहेको बताउनु भयो ।
दैनिक जीवनमा हामी हाम्रो दाँत र गिजाको महत्त्व बिर्सन सक्छौं। तर, मुख स्वास्थ्यको बेवास्ताले हाम्रो मुस्कान मात्र होइन, हाम्रो समग्र स्वास्थ्यलाई पनि गम्भीर असर पुर्याउन सक्ने युसिएमएसका इन्टर्न डा. कल्पना पाण्डेले बताउनु भयो ।
अस्पतालको डा. अदिति शाहले बिहन र बेलुका गरेर दिनमा दुईपटक ब्रस गर्ने, कम्तीमा दुई मिनेट ब्रस गर्ने र हरेक ६ महिनामा नजिकैको अस्पता वा डेण्टल गर आफ्नो दाँतको चेकजाच गराउनु आवश्यक रहेको बताउनु भयो ।
त्यसैगरी,  अस्पतालले श्री सत्य साई वृद्धाश्रम र श्री सम्तेश्वर विद्यालय, मायादेवी–२ मा मुख स्वास्थ्य किट वितरण गरेको छ । जसबाट जेष्ठ नागरिकहरू र साना बालबालिकाहरूले घरमै दन्त सेवा प्राप्त गर्न सक्छन ।