सौर्य खबर

२०८१ चैत्र २, शनिबार ११:४४

जनकपुरधाम । जनकपुरधाममा आज बिहानैदेखि होलीको चहल पहल रहेको छ । एकअर्कालाई रंग अबिर दलेर स्थानीयवासीहरु होली खेलीरहेका छन । होलीको दिन मानिसहरूले एक अर्कामाथि विभिन्न प्रकारका रंगहरू हालेर एक अर्कालाई रंगीन बनाउछन् । धार्मिक मान्यतावाट अलग्ग बनाएर केवल उत्साह अनि सदभावका रुपमा हेरेरै त होला नेपालीजनहरु चाहे जुनसुकै धर्म या समुदायका हुन्, होलीमा एउटै आँगन र तालमा झुम्मीन्छन् ।

तराइका अन्य जिल्लामा होली हिजो सम्पन्न भइसक्दा पनि जनकपुरधाममा एकदिन ढिलोगरी होली भएको छ । जनकपुरधाम क्षेत्रको महत्व मिथिला परिक्रमा उत्सवका कारण एकदिन ढिलोगरी होली मनाइने गरिएको छ ।

नगरको विभिन्न स्थानमा मटकाफोर, जोग्रिा गायन सहितका होलीको कार्यक्रमहरु भइरहेको छ । नेपालमा जनकपुरधाममा विशेष प्रकारले होली मनाइने भएकाले यहाँको होली हेर्न ठूलो संख्यामा पर्यटकहरु आएका छन् ।