२०८० चैत्र २९, बिहीबार l होमियोप्याथिक चिकित्सा पद्धतिको विकास र उत्थानका लागि अल नेपाल होमियोप्याथिक एशोसिएशनले विभिन्न ६ बुँदे माग मधेश प्रदेश सरकारसँग राखेको छ ।
विश्व होमियोप्याथिक दिवस र २६९ औं हैनिमन जयन्तीको अवसरमा आयोजित एक कार्यक्रममा होमियोप्याथिक एशोसिएसन मधेश प्रदेशले स्वास्थ्य तथा जनसंख्या मन्त्री शत्रुध्न सिंहलाई ज्ञापन बुझाउँदै ६ बुँदे माग राखेका छन् । एशोसिएसनका सचिव डा. सजिव कर्णले होमियोप्याथिक चिकित्सा पद्धतिको विकासका लागि कार्यरत होमियोप्याथिक चिकित्ससहित दरबन्दी सृजना गरी थप चिकित्सक स्थायी नियुक्ति गर्नुपर्ने, होमियोप्याथिक प्रादेशिक बोर्ड गठन गर्नुपर्ने, शिविर संचालन र बजेट बढाउन लगायतका विभिन्न माग राखिएको बताए ।