२०८० चैत्र २१, बुधबार २१:५६
२१ चैत, काठमाडौं । राष्ट्रिय खेलकुद परिषद् (राखेप) को ६० औं वार्षिकोत्सवको अवसरमा बुधबार ५ खेलाडीसहित १८ जना सम्मानित भएका छन् ।
बक्सिङकी सुष्मा तामाङ र एथ्लेटिक्सका दीपक अधिकारीले सर्वोत्कृष्ट खेलाडीको सम्मानसहित जनही १ लाख रुपैयाँ पाए ।नवौं राष्ट्रिय खेलकुदमा १० हजार मिटर दौडमा राष्ट्रिय कीर्तिमानसहित स्वर्ण जितेका दीपक नेपालमै भएको १६ औं एसियाली क्रसकन्ट्री एथलेटिक्सका दोहोरो स्वर्ण बिजेता हुन् ।दीपकले दोस्रो राइट टु प्रोटिन हाफ म्याराथन, प्रधानसेनापति कप र लुम्बिनी हाफ म्याराथनमा स्वर्ण तथा कान्तिपुर हाफ म्याराथनमा रजत पदक जितेका थिए ।
सुष्माले थाइल्याण्डको बैंककमा भएको एएसबीसी यु–२२ एसियाली महिला बक्सिङ च्याम्पियनसिपमा रजत पदक जित्दै इतिहास रचेकी थिइन् । नेपाली बक्सिङ खेलाडीले कुनैपनि एसियाली स्तरको बक्सिङमा रजत जितेको यो नै पहिलो घटना थियो । सुष्माले नवौं राष्ट्रिय खेलकुदको ४८ केजीमा पनि स्वर्ण जितेकी थिइन् ।
तपाईको प्रतिक्रिया !
