२०८० मंसिर ४, सोमबार १४:३९
४ मंसिर, सुर्खेत । भूकम्प प्रभावित जाजरकोटको नलगाड नगरपालिका–८, हल्चौरस्थित पञ्चभयार माध्यामिक विद्यालयमा सोमबारदेखि पठनपाठन सुरु भएको छ ।
कात्तिक १७ गते रातिको भूकम्पले विद्यालय भवनमा क्षति पुगेपछि केही विद्यार्थीहरुलाई त्रिपालमुनि र केहीलाई खुलाचौरमै राखेर पढाउन थालिएको शिक्षक वीरबहादुर खत्रीले जानकारी दिए ।
विद्यालयको चउर पनि सानो भएकाले कहाँ राखेर पढाउने भन्ने अहिलेसम्म टुंगो लागेको छैन’, स्थानीय युवक महेश चदाराले अनलाइनखबरसँग भने, ‘हिजोसम्म तल बारीको पाटोमा पाल हालेर पढाउने कुरा भएको थियो । ठाउँ सानो भएर अर्को ठाउँमा राखेर पठाउने कुरा पनि उठेको थियो, अझै टुंगो लगेको छैन ।’
तपाईको प्रतिक्रिया !
