२०८० आश्विन २९, सोमबार ०९:५८
काठमाडौँ : नेकपा माओवादी केन्द्रसहित चार दल सम्मिलित समाजवादी मोर्चाले आज सुदूरपश्चिममा सन्देश सभा गर्ने भएको छ ।
कैलालीको धनगढीमा दिउँसो २ बजेपछि सुरु हुने सन्देश सभालाई मोर्चामा आवद्ध दलका शीर्ष नेताहरूले सम्बोधन गर्ने कार्यक्रम रहेको छ ।
सभालाई सम्बोधन गर्न प्रधानमन्त्री तथा माओवादी अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपाल, नेकपाका महासचिव नेत्र विक्रम चन्द विप्लव, जनता समाजवादी पार्टीका अध्यक्ष उपेन्द्र यादवलगायत नेता धनगढी पुग्दैछन् ।
प्रधानमन्त्री दाहालले आज लम्कीमा माओवादी प्रदेश उपाध्यक्ष स्वर्गीय महेश बडुवालको स्मृतिमा आयोजित श्रद्धाञ्जली सभामा सहभागी भएर घोडाघोडी नगरपालिकाको प्रशासनिक भवनको उद्घाटन गर्ने कार्यक्रम समेत रहेको छ।
गत भदौ १३ र २६ गते दुई पटक स्थगित भएको सुदूरपश्चिम सन्देश सभा आज हुन लागेको हो ।
तपाईको प्रतिक्रिया !
