२०८० जेष्ठ २३, मंगलवार १२:२५
कैलाली,जेष्ठ २३
सामुदायिक वनमा गाडिएको अवस्थामा एक महिलाको शव बरामद भएको छ । कैलाली जिल्लाको गौरीगंगा नगरपालिका-२ की २७ वर्षीया कविता बुढाको शव घर नजिकैको सामुदायिक वनमा गाडेको अवस्थामा भेटिएको प्रहरीले जानकारी दिएको छ ।
प्रहरीकाअनुसार उक्त महिलाको शव केदारेश्वर सामुदायिक वनमा गाडिएको अवस्थामा भेटिएको हो । बुढाका परिवारले उनी हराएको भन्दै सोमबारमात्र खोजीका लागि प्रहरीमा निवेदन दिएका थिए । उनको कसैले हत्या गरेर शव गाडेको हुनसक्ने प्रहरीले बताएको छ ।
घटनाबारे अनुसन्धान जारी छ । मृतक बुढाका श्रीमान् रोजगारीको सिलसिलामा भारतमा छन् भने उनका दुई जना छोराछोरी रहेका छन् ।
तपाईको प्रतिक्रिया !
