२०७८ मंसिर २३, बिहीबार १८:५२

काठमाडौं । पाकिस्तानमा पनि कोरोना भाइरसको ओमिक्रोन स्वरुप फेला परेको छ । पछिल्लो समय तीव्र गतिमा फैलिँदै गएको कोरोनाको ओमिक्रोन स्वरुप पाकिस्तानमा पनि पुष्टि भएको हो । पाकिस्तानको कराँचीमा एक जना महिलामा ओमिक्रोन स्वरुप पुष्टि भएको बताइएको छ ।

सङ्क्रमित महिला स्थानीय नै भएको र विदेश यात्रा गरेको नदेखिएको पनि अधिकारीहरूले बताएका छन् ।खोप नलगाएका ६५ वर्षकाती महिलामा ओमिक्रोन सङ्क्रमण देखिएको पाकिस्तानको स्वास्थ्य मन्त्रालयले जनाएको हो ।सङ्क्रमण देखिएपछि ती महिला अस्पताल भर्ना भएको र हाल डिस्चार्ज भएर उनलाई घरमै आइसोलेशनमा राखिएको छ ।योसँगै दक्षिण एसियाको ५ र विश्वका ५७ मुलुकमा ओमिक्रोन पुष्टि भएको विश्व स्वास्थ्य सङ्गठनले जनाएको छ ।