२०७८ मंसिर २३, बिहीबार ०८:१९

२३ मंसिर,काठमाण्डौ ।देशभर चिसो बढ्ने क्रममा रहेकोले चिसोबाट बच्न आवश्यक सुरक्षा एवं सतर्कता अपनाउन जल तथा मौसम पूर्वानुमान महाशाखाले अनुरोध गरेको छ ।हाल देशमा उल्लेखनीय मौसमी प्रणाली भने नरहेको महाशाखाको भनाई छ ।

यतिबेला देशका पहाडी भू–भागमा आंशिक बदली रहेको छ भने अन्य भू भागको मौसम सामान्यतया सफा रहेको महाशाखाले जनाएको छ ।पछिल्लो २४ घण्टामा काठमाण्डौ उपत्यकाको तापक्रम ६ दशमलब ८ डिग्रि सेल्सियस मापन गरिएको छ । सबैभन्दाकम तापक्रम जुम्लामा माईनस ३ दशमलब ५ डिग्रि तापक्रम रेकर्ड भएको छ ।

बिहान ६ बजेर ४२ मिनेटमा झुल्किएको घाम बेलुका ५ बजेर ९ मिनेटमा अस्ताउनेछ । यसैबिच आज दिउँसो प्रदेश नं १ को भू–भागमा आंशिक देखि सामान्य बदली, बाँकी प्रदेशको पहाडी भू–भागमा आंशिक बदली तथा अन्य भू–भागमा मौसम सामान्यतया सफा महाशाखाको भनाई छ। प्रदेश नं १ को पहाडी भु–भागका एक वा दुई स्थानमा हल्का वर्षाको सम्भावना रहेको छ।

यस्तै आज राती प्रदेश नं १ र प्रदेश नं २ को भू–भागमा आंशिक देखि सामान्य बदली, बाँकी प्रदेशको पहाडी भू–भागमा आंशिक बदली तथा अन्य भू–भागमा मौसम सामान्यतया सफा रहनेछ। प्रदेश नं १ र प्रदेश नं २ का भु–भागका एक वा दुई स्थानमा हल्का वर्षाको सम्भावना रहेको महाशाखाले जनाएको छ ।