२०७८ मंसिर २१, मंगलवार ०८:२८

काठमाडौं । नेपाली काँग्रेसका नेता रामचन्द्र पौडेल पक्षीय नेताहरुले आज केन्द्रिय सदस्यहरूसँग छलफल गर्ने भएका छन् । सभापतिको साझा उम्मेदवार तय गर्न आज आफू पक्षीय केन्द्रीय सदस्यसँग गर्न लागेको पौडेल पक्षीय नेताहरुले बताएका छन् । १४ औँ महाधिवेशनमा संस्थापनइतर समूहबाट साझा उम्मेदवार बनाउने कसरतमा पौडेल पक्षीय नेताहरू रहेका छन् ।

छलफल दिउँसो एक बजे नेता प्रकाशमान सिंह निवास चाक्सीबारीमा हुने छ । उक्त समुहमा पौडेलसहित, महामन्त्री डा.शशांक कोइराला, पूर्वमहामन्त्री प्रकाशमान सिंह, र केन्द्रीय सदस्य डा.शेखर कोइराला सभापतिका आकाँक्षी हुन । उनीहरूबीच सोमबार साझा पनि छलफल भएको थियो । उक्त छलफलमा सभापतिका आकांक्षीमध्येबाट एक जनामात्र उम्मेदवार बनाउन आज केन्द्रीय सदस्यहरूसँग छलफल गर्ने सहमति भएको थियो ।