२०७८ मंसिर २०, सोमबार १२:४६

२० मंसिर,काठमाण्डो ।सैनिक हिरासतमा रहेकी म्यानमारकी प्रजातन्त्रबादी नेतृ आङ सान सुकीलाई ४ बर्षको जेल सजाँय सुनाईएको छ ।

कोभिड–१९ प्रोटोकलको उल्लंघन र उक्साउने अभियोगमा परेको मुद्धाको सुनुवाईका क्रममा सुकीलाई दोषी ठहर गर्दै ४ बर्षको जेल सजाँय सुनाईएको एक सरकारी प्रबक्ताले बताएका छन ।सुकी बिरुद्ध सैनिकले एक दर्जन भन्दा बढी मुद्धाहरु दर्ता गरेको छ । जसमध्ये धेरै आरोपहरु भ्रष्टाचारसंग संबन्धित रहेका छन ।

राज्यको गोप्य ऐनको उल्लङ्घन, टेलिकमको गोप्य सुचना चुहावट लगाएतका मुद्धाहरु पनि उनी माथी लगाईएको छ । यी प्रमाणहरु जुटेको खण्डमा सुकीलाई आजीवन काराबास हुन सक्ने छ । गत फेब्रुअरी १ मा सेनाले सत्ता कब्जा गरेपछि हिरासतमा रहेकी आङ सान सुकीले भने आफु माथी लागेका सबै आरोप अस्वीकार गरेकी छिन ।

७६ वर्षीय सुकीले राजनीतिक भबिष्यको अन्त्य गर्न सेनाले जाल रचेको आरोप लगाएका छन ।